Меню
Артқа » » » » Материал жариялау
Менің ойыншығым
  • 16.11.2016
  • 297 Көрсетілім
  • Талқылау
  • Жарияланған материалдың жеке номері: 20058

Сабақтың тақырыбы: Менің ойыншығым
Білімділігі: Өздеріне ұнаған ойыншыққа зеріттеу жүргізіп ( түсі, көлемі, материалы, жасалуына қарай алуан түрлі болатыны ) , әңгімелеп айтып беруге , ойыншықтардың жекеше , көпше атауларын айтуға үйрету .
Дамытушылық : Балаларды сөзді анық айтып , дұрыс сөйлей білуге баулу , сөздік қорларын дамыту .
Тәрбиелік : Олармен қалай ойнау керектігін түсіндіріп , ұқыптылыққа , эстетикалық талғамдарын кеңейту , ойын барысында ойыншықтарға ұқыптылықпен , жанашырлықпен қарап әрекет етуге тәрбиелеу .
Әдіс тәсілі : ойын ,сұрақ – жауап , жұмбақ .
Пән аралық байланыс : Қоршаған орта , көркем әдебиет .
Көрнекіліктер : Ойыншықтардың суреттері , машина,доп,бүктеме, қуыршақ ,слайд
Ұйымдастыру кезеңі
1 . Шаттық шеңбері.
2 . Қонақтармен амандасу.
3 . Өлең оқу
4 . Ертеңгілік жылы лебіздер
5 . Жұмбақ шешу
6 . Дидактикалық ойын « Жалғасын тап »
7. Сұрақ - жауап
8. Сөздік ойындар
9 . Сөзжұмбақ
10 . Р . Тышқанбаевтың « Қуыршақ » өлеңін оқып беру
11. ойын : « Ғажайып қорапша! »
12. Қорытынды
13 . Қонақтармен қоштасу .

Мұғалім: Қош келдіңіз бүгін бізге бәріңіз,
Қош келдіңіз көңіл күйге сеніңіз.
Қощ келдіңіз шыққан күндей жарқырап,
Көңілді сәтті бізбен бірге көріңіз
Балаларды ұйымдастыру .
Мұғалім; Қайырлы таң балалар ! «Сәлем – сөздің анасы» демекші, келген қонақтармен амандасайық.
-Балалар , бүгін ерекше күн .
-Балалар бүгін бізге қонақтар келіп отыр,қонақтармен амандасайық .
Балалар; Үлкенгеде сіз,
Кішіге де сіз.
Үлкендерді құрметтеп ,
Бас иеміз біз!
Мұғалім; Балалар , қане , бәріміз шеңбер құрып, қол ұстасып тұрайықшы.
Балалар; шаттық шеңберге тұрады .
Бәрі бірге қосылып айтады .
Шаттық шеңбері;
Біз ұқыпты баламыз ,
Айтқан тілді аламыз.
Ойыншықтарды жинаймыз,
Үлкендерді сыйлаймыз.
Мұғалім; Тіл апталығын мақтап,
Бүлдіршін айтады тақпақ.
Зер салып тыңдап,
Қол соғайық мықтап.
Мұғалім: балалардың бүгінгі «Ойышықтарым» тақырыбына арнап жаттаған тақпақтарын қабыл алыңыздар.
Данил: Ойыншығым – құрастырғыш,
Көрсетеді көмегін.
Кімге көлік, кімге үй,
Құрастырам керегін.
Асмалика: Ойыншығым-қуыршақ,
Не берсем де жемейді.
Еркелігі соншама,
Көтермесем жүрмейді.
Мансур: Ойыншықтарым көп менің,
Бәрін жақсы көремін.
Кешке дейін жалықпай,
Бірге ойнап жүремін.
Дильназ: Ойыншығым – көжегім,
Қорықпайды қашпайды.
Тәтті сәбіз ұсынсам,
Ұстай алмай тастайды.
Томирис: Добым –добым домала,
Балшыққа сен жолама.
Бүлдіресің қолымды.
Жек көремін оныңды.
Балалар бүгінгі «Менің сүйікті ойыншығым » тақырыбын өтеміз.
Сұрақ - жауап ; Сүйікті ойыншықтарың бар ма ?
-Қандай ойыншықтарың бар ?
-Қандай ойыншықты жақсы көресіңдер ?
- Ойыншықтарды қалай ұстау керек?
Балалар; жауап береді.
Мұғалім ; Балалар , мына үстел үстінде жатқан заттар не?
Балалар ; Олар - ойыншықтар .
Мұғалім ; Ойыншықтармен не істейді?
Балалар ; Ойыншықтармен ойнайды .
Мұғалім ; Балалар қараңдаршы біздің тобымызда ойыншықтар өте көп,олар қандай әсем , әдемі ойыншықтар . Балалар мынау қандай ойыншық?
Балалар; доп. Мұғалім; доптың пішіні , түсі қандай ?
Балалар ; жауап береді .
Мұғалім ; Кім доп туралы тақпақ біледі ? Әлихан : Топ –топ добым домалақ ,
Қайда кеттің домалап .
Бір ,екі деп екі ұрдым ,
Шатырға сен секірдің .
Мұғалім; Қыз балалар көбіне қандай ойыншықпен ойнайды ?
Балалар ; қуыршақпен .
Мұғалім; -Дұрыс айтасыңдар . Қуыршақпен . Балалар қуыршақтың әдемі шашы , әдемі көйлегі бар екен . Қуыршақтың көйлегінің түсі қандай ?
-Ал , ұлдар көбінесе қандай ойыншықпен ойнайды ?
Балалар ; машинамен ойнайды .
Мұғалім ; Ал, машинаның түсі қандай?
-Кім машина туралы тақпақ біледі ?
Алексей: Үлкенмін ғой міне мен ,
Ойыншықтарды жинаймын .
Машинаға мінер ем ,
Кабинаға сыймаймын .
Мұғалім ; Балалар ойыншықтар жасалуына байланысты бірнеше түрге бөлінеді .
1. Матадан жасалған .
2. Пластмассадан .
3. Резинадан жасалған ойыншықтар . Сипаттама беру .
ЖҰМБАҚТАР ШЕШУ ;
1. Аяғы бар , жүрмейді ,
Аузы бар , күлмейді .
Айнымайды бөпемнен ,
Тек сөйлеуді білмейді . ( қуыршақ )
2. Суға салсаң батпайды ,
Түскен жерге жатпайды . ( доп )
Дидактикалық ойын ; « Жалғасын тап » .
Ойын шарты ; Бастаушы бала сөйлемді бастап береді, балалар аяқтайды .
-Менің ойыншығым ............. / әдемі /.
-Мен қуыршақпен ................/ ойнаймын/ .
-Допты жоғары .................... / лақтырдым / .
Камилла: «Қуыршақ » өлеңін оқып беру .
Сөйлемейсің сен неге ,
Тілің жоқ па, қуыршақ ?
Жуынбайсың сен неге ,
Кірің жоқ па, қуыршақ ?
Аяғың бар, сен неге ,
Жүре алмайсың , қуыршақ ?
Жұмсағанда сен неге ,
Тіл алмайсың, қуыршақ?
Біз күлгенде күлмейсің ,
Аңқаусың ба, қуыршақ ?
Бізбен бірге жүрмейсің,
Жалқаусың ба, қуыршақ ?
Сөздік ойындар: Не жоқ? 1,2,3 көзіңді жап.Бір ойыншықты тығамын.
1,2,3 көзіңді аш. Не жоқ ? - деп сұраймын.
Балалар, мен сөзді бастаймын сендер аяқтаңдар. Мысалы: Қо- ......, Мы....., Бала-..., Кір-.....т.б.
Сөзжұмбақ шешу:
Камилланың орындауында «Айгөлек» әні
Ойын ; « Ғажайып қорапша ». ( ішінде асық)
Ойын шарты ; көздеріңді жұмып қоржыннан кез -келген ойыншықты аласыңдар . Алған ойыншықтарыңның атын , түсін , қатты , жұмсақ екенін айтып , жақсы мейірімді тілек білдіресің . Мысалы ; мен асықты алдым, асық ойыны ұлттық ойын, асықтың түсі – қызыл, қатты және асықпен қалай ойнау керек екенін көрсет.
Бәріміз «Балдырған» әнін орындаймыз.
Қорытындылау : Мұғалім сөзі
Күніміз ашық болсын,
Түніміз тыныш болсын,
Ауамыз таза болсын,
Суымыз мөлдір болсын,
Аман сау болайық! Тәрбие.орг сайтынан Менің ойыншығым Авторлық бағдарлама материалды тегін жүктеп сабақ барысында қолдануға рұқсат етіледі. Жарияланған материалға tarbie.org сайтының әкімшілігі жауапты емес

Авторы: Аленова С.А.

Ұнады ма? Достарыңмен бөліс. Қалаған әлеуметтік желінің үстін бас

Бөлімі: Авторлық бағдарлама | Логин: Публикатор | Ілмек сөздер: менің, Авторлық бағдарлама, ойыншығым
Көрсетілім: 297 | Жүктеулер: 0
Барлық пікірлер: 0
avatar