Анама сыйлық

  • Жүктеулер: 1
  • Көрсетілім: 224
  • Балабақшадағы ашық сабақтар
  • 15/Май/2017

Жарияланған материалдың жеке номері: 22811


Ұйымдастырылған оқу қызметінің технологиялық картасы №13
Күні: _______________
Білім беру саласы: Таным
Бөлімі: Құрастыру
Тақырыбы: Анама сыйлық.
Мақсаты: қағазбен жұмыс жасау дағдыларын қалыптастыру, анаға сыйлық жасау үшін қағаздан умаждап гүлдер жасай білуге үйрету, қағаз беттерін көлемді пішіндерге өзгертуге машықтандыру.Ата-ананы сыйлап, құрметтей білуге тәрбиелеу.
Қажетті құрал-жабдықтар: түрлі түсті жұмсақ қағаздар, қатты қатырма қағаз, желім, қайшы және үлгі көрнекіліктер.
Әдіс-тәсілдер: түсіндіру, көрсету, әңгімелесу, сұрақ- жауаптар,слайд.
Сөздік жұмыс: сабағы, жапырағы, сыйлық.
Билингвальды компонент: сыйлық-подарок
Оқу қызметінің кезеңдері Тәрбиешінің әрекеті Балалардың әрекеті
Мотивация-
лық қозғаушы-лық Шаттық шеңбері:
Қуанамын мен де,
Қуанасың сен де!
Қуанайық достарым
Жарқыраған күнге!
-Балалар, бізді өмірге әкелген,мына жарық дүниені сыйлаған кім?
-Ол-Ана!
-Аналарымызды бәріміз жақсы көреміз.
-Балалар,сендердің аналарың қандай?
« Менің анам.....» ойынын ойнайық.
Шарты: балалар аналары туралы мақтау сөздер айтып, күннің шуағын жапсырады.
Теледидардан балардың аналарымен түскен фоталарынан слайд көрсету.
Ана туралы тақпаққа кезек берейік.
Ажар:
Әр сөзімді жаттаған,
Жүрегімде сақтаған.
Анашым деп мақтанам,
Айналайын ақ мамам.
Айбар:
Ақ анашым, аппағым,
Өзің жайлы тақпағым.
Өзің жайлы әнім де,
Арнадым саған бәрін де.
-Балалар, алдыда қандай мейрам келе жатыр?
-Аналарыңа сыйлық сыйлағыларың келе ме? Бірге айтады

Ана

Ойын шарты бойынша ойнайды
Слайдты тамашалайды

Тақпақтарын айтады

Сұрақтарға жауап беріп,өз ойларын айтады
Ұйымдастырушылық -ізденістік Күтпеген сәт.
Осы кезде қонаққа Қуыршақ Аружан келеді.
-Сәлеметсіңдер ме,балалар!Көңіл күйлерің қалай?
-Балалар, мен анама 8-наурыға қандай сыйлық сыйласам деп сендерден көмек сұрай келдім. --Маған көмектесесіңдер ме?
-Балалар, сендерге жұмбақ жасырсам шешуін табасыңдар ма?
Бала, бала, бала деп,
Түнде шошып оянған.
Түн ұйқысын төрт бөліп,
Түнде бесік таянған!
Ол кім, балалар?
Ол-Ана!Олай болса, балалар, анамызға арнап барлығымыз бірігіп сыйлық жасайық.
Балаларға үлгі көрнекілікті көрсетіп аналар мерекесі қарсаңында аналарына әдемі сыйлық жасап үйренетіндерін айтады. «Мынадай сыйлық жасауға келісесіңдер ме?» - деп үлгіні көрсетіп, талдау жасайды. Қағаз түстеріне балалардың назарын аударады.Педагог әр балаға қос бүктелген қатты қағазды таратады, оған әдемі гүлдер жасау үшін мені мұқият тыңдаңдар деп түсіндіреді. Алдымен гүлдің сабақтарын және жапырақтарын жасыл түсті қағаздан қиып аламыз, оны ораймыз (немесе бұраймыз), сабақтары дайын болған соң, гүлдерін жасау үшін әр түсті қағазды алып, алақан арасына салып умаждап, оны жұмсартамыз, бірнеше рет ашып, қайта умаждаймыз. Көк, сары, қызыл түсті қағаздарды умаждау арқылы гүлдерді жасап, оны гүлдің сабағына орнатамыз.

Сергіту сәті:
Домбырамды тартамын,
Күйді де шертемін.
Бұрала би билеп
Сурет те саламын.
Балалардың қағазды қалай умаждағанын және ол гүлге ұқсағанын педагог қадағалайды, жеке көмек көрсетіледі.
Билингвальды компонент: сыйлық-подарок
Қуыршақ Аружанмен амандасады

Аружанға көмектесетіндерін айтады

Жұмбақтың жауабын табады
Ана

Балалар үлгіні мұқият қарап, гүлдердің қалай
жасалғанын қарап көреді, қағаз түстерін таңдап алады
Алдымен жасыл түсті қағаздан гүлдің сабақтарын, жапырағын жасайды. Одан кейін көк, сары, қызыл қағаздарды кезекпен-кезек алақан арасына салып умаждайды, оны гүлге үқсатып сабақтарына орнатады. Өздері жасаған жұмыстарының әдемі болып шығуына, ұқыпты жұмыс жасауға талаптанады.
Қимылмен жасайды

Қайталайды
Рефлексия
лық – түзетушілік Балалардың жасаған сыйлықтарын тақтаға іліп, көре ұйымдастыру.
Мадақтау
Жүрекше тарату Жасаған жұмыстарын көрме тақтасына іледі

Күтілетін нәтиже:
біледі: қағаздан жұмыс жасау дағдылары қалыптастырылады олардың түсін, көлемін, пішінін ажырата алуды;
игереді: гүлдерді қағаз бетіне дұрыс орналастыруды және оны іс-әрекет барысында көрсете алуды;
меңгереді: қағаздан жұмыс жасауда оны көлемі, пішініне сәйкес кеңістікте дүрыс орналастыруды.

Технологиялық картаны толтырған тәрбиеші : Тәрбие.орг сайтынан Анама сыйлық Балабақшадағы ашық сабақтар материалды тегін жүктеп сабақ барысында қолдануға рұқсат етіледі. Жарияланған материалға tarbie.org сайтының әкімшілігі жауапты емес

Авторы: Икрамова Арай Ануархановна

Қаскелең қаласы Алтын ауыл ықшамауданы КМҚК "Жанерке" балабақшасы Тәрбиеші

Пікірлер: 0

avatar