« Қош, балабақша!»

  • Жүктеулер: 0
  • Көрсетілім: 405
  • Балабақшадағы ашық сабақтар
  • 25/Апр/2017

Жарияланған материалдың жеке номері: 22710


Тақырыбы: « Қош, балабақша!»
Жүргізуші: Армысыздар құрметті ата-аналар, бүлдіршіндер, балабақша қызметкерлері! Бүгінгі біздің балаларымыздың балабақшамен қоштасу кешіне қош келдіңіздер. Бүгінгі сәт балаларымыздың естерінде қалатын әсерлі сәт екені белгілі. Ендеше кішкентай болып кіріп, ақыл- ойлары толысып, жақсы мен жаманды айыра білуге үйренген тәрбиеленушілеріміз таудай талаптары мен мектеп атты білім ордасына қадам аттағалы отыр. Біздің бүлдіршіндерімізге сәт- сапар, ақ жол тілейік! «Жас Қыран» тобының тәрбиеленушілерін үлкен қошеметпен ортаға шақырамын. (балалар екі екіден қол ұстасып кіреді, шеңберді айналып жүреді, музыка біткен соң шарларын төбеге ұшырып жібереді.)
Хор: « Біз мектепке барамыз»
Жүргізуші: Бізге сыйлап сыңғырлаған күлкіңді,
Сәбилерім жүздеріңде нұр тұнды.
Бізден ұшып қанат қағып есейдің,
Өздеріңмен қоштасатын күн туды.
Бізден ұшып талмай қанат қағыңдар.
Жүректерден арман отын жағыңдар.
Жақсы оқып алтын ұя мектепті,
Бұл өмірде бақыт жолын табыңдар,- дей келе тәрбиеленушіміз Үмбетқали Жаннұрды «Көктайым» атты әнімен қарсы алайық.
Жүргізуші: Осыдан 4 жыл бұрын біздің балабақшамызға кішкентай, сүйкімді бөбектер келді. Олар дұрыс сөйлей де, киіне де алмады. Ал олардың былдырлаған жылаған дауыстары әлі есімізде, ал салған суреттерін көрсеңдер....... Олай болса «балалық шақтан- болашаққа» деп фото-перезентацияны тамашалаңыздар. Міне, балалар, сендер көптен күткен қимастығы мен қуанышы бірдей мерекелеріңіз басталып та кетті. Кезекті балалардың тақпағына берейік:
Назжан: Алты жасқа толамыз.
Әдепті бала боламыз.
Қуантып ата- анамды,
Мектепке кетіп барамыз.
Бақша біздің панамыз.
Мектеп біздің анамыз.
Ұлағатты ұстаздан,
Оқып, білім аламыз.
Ерғазы: Қуаныш бүгін мереке,
Шуағын шашып тұр әлем
Мектепке барам алғашқы,
Бәріңе жостар сәт-сапар.
Күмісханым: Балабақшам сүйікті.
Ән салдыртты, билетті.
Шынықтырып денеңді,
Шымыр болуға үйретті.
Ақниет: Үлкендердей тап- таза,
Жазамын бормен тақтаға.
Үлгілі бала боламын,
Жүретіндей мақтана.
Таудай үлкен боламын.
Мен бармақтай боламын,
Көктің жүзін шарлаймын,
Үлкен ғалым боламын.
Жанерке: Тәрбие берген ұямыз.
Тәртіпті бала боламыз
Қоштасып бала-бақшамен,
Мектепке біз барамыз.
Мадияр: Баулап, баптап өсірген,
Бұзықтық етсек кешірген.
Ұмытпаймыз өзіңді,
Ұмытпаймыз сөзіңді.
Амина: Ботақандай бөбек деп,
Еркелеткен ұл- қызын.
Анамызды ерекше,
Қуантамыз біз бүгін.
Қолыма гүл аламын,
Дайын дәптер қаламым.
Таңғалдырып достарымды,
Мен мектепке барамын.
Ән: «Мұғалім ол біздің» орындайтын: Ғалымжанова Назжан
Жүргізуші: Бірге ойнап, бірге жүрген.
Күндерімді қимаймыз.
Естелік болсын сіздерден,
Джентлмен биін сыйлаймыз.
Би: «Джентлмен» ортада: Бекжан Санжар Айкөркем Ақниет Нұрқанат
Ән: «Балабақша» орындайтындар: Ақниет Ерғазы Мадияр
Ойын: «Кім жылдам?» ата- аналарға.
Шарты: шеңберге қанша сан айтылса сонша балалар жинау керек.
Ән: «Апатайым» орындайтындар: Айзере мен Гүлназ
Інжу: Қуанамыз сыйлаймыз
Қуаныштың мың гүлін.
Бақшамызбен қимай біз,
Қоштасатын күн бүгін.
«ағылшынша видео саяхат»
Айзере: Мектепке енді барамыз,
Оқимыз сауық құрамыз.
Қашық емес арамыз,
Бақшаға келіп тұрамыз.
Гүлназ: Қош, балалар бақшасы,
Естен кетпес есімің,
Қош, балалар бақшасы,
Алғаш ашқан есігім.
Би: «Әкелер мен қыздар»
Ән: «Тәрбиеші» орындайтындар Айкөркем мен Күмісханым
Жүргізуші: -Балалар, біз балабақшадан бәрін үйреніп білім нәрімен сусындадық. Ендеше мектепке дайын екенімізді аналарымыздың сұрақтарына жауап беріп, көрейікші. Видеоға назар аударайық.
Ата-аналардан сұрақтар беріледі. Видео арқылы.
Жүргізуші: Бөбектерім оқы, ойна,
Оқу, білім саған пайда,
Кітабыңның шетін жыртып,
Сияменен бояп қойма.
Қолыңды жу, тырнағыңды ал,
Болсын таза бет орамал,-деп келе «Тазалық» биін тамашалаңыздар.
«Баламен бетпе-бет» видео.
Ән: «Әзір титтей бойымыз» орындайтындар Нұрқанат, Бекжан, Санжар.
Жүргізуші, балалар, мен сендермен « иә, жоқ» ойының ойнағым келіп тұр.
1.Мектепке біз барамыз ба?
2.Кілең бестік аламыз ба?
3.Нан жеймің деп жылаймыз ба?
4.Айтқан тілді аламыз ба?
5.Таңертең ерте тұрамыз ба?
6.Сабақта отырып, ұйықтаймыз ба?
7.Ойыншықтармен ойнаймыз ба?
8.Біз оқушы боламыз ба?
Айкөркем: Біз балауса баламыз.
Жетелеп ой санамыз.
Бақшамызбен қоштасып,
Мектепке енді барамыз.
Қош бол, балабақшамыз.
Қимай кетіп барамыз.
Бал күндерді қиялдап,
Сағынармыз әлі біз.
Санжар:Мөлдір таза сезімсің,
Ең бақытты кезімсің,
Анашымнан кейінгі,
Жанашырым өзінсің.
Ардақтаған ақылшы,
Жүрегімде жатырсыз.
Мейірімді жанарың,
Маған өте жақынсыз.
Бекжан: Гүлдендіріп бақшаны,
Меңгеруші жақсы адам,,
Сондықтан да біз үшін,
Артықсыз сіз басқадан.
Бәрі қосылып: «рахмет!»
Темірлан: Естен кетпес үніңіз,
Бізбен өтті әр күніңіз,
Бізге үміт артасыз,
Шығар деп күйші, әншіміз,
Үмітпен бізге қарайтын, ағайымызға
Бәрі қосылып: «р - а - х - м - е - т !»
Айкөркем: Бөлмемізді тазалап,
Аппақ төсек әкеліп,
Бізге салып береді.
Еденді де тазалап,
Ас та алып келеді.
Тәрбиеші көмекшісіне
Бәрі қосылып: «рахмет!»
Бейбарыс: Өзіңізді қимаймыз,
Қашықта болса арамыз,
Сіздерге келіп тұрамыз,
Оянды ақыл санамыз.
Адалдықтың бастауын,
Сіздерден алып барамыз.
Оқу, білім, үйреткен.
Тәрбиеші апайларға
Бәрі қосылып: «рахмет!»
Хор: «Қош бол, балабақша!»
Құттықтау сөз: Балабақша директоры: Акдунова Сағира Шаколқызына беріледі.
Балаларға дипломдары, ата-аналарға алғыс хаттар, сыйлықтар тапсырылады.
Сөз кезегі ата-аналарға беріледі. Тәрбие.орг сайтынан « Қош, балабақша!» Балабақшадағы ашық сабақтар материалды тегін жүктеп сабақ барысында қолдануға рұқсат етіледі. Жарияланған материалға tarbie.org сайтының әкімшілігі жауапты емес

Авторы: Аюпова Гүлжан Жылқыбекқызы

Пікірлер: 0

avatar