Меню
Артқа » » » » Материал жариялау
Шыншылдық - адамдықтың белгісі
  • 13.04.2016
  • 553 Көрсетілім
  • Талқылау
  • Жарияланған материалдың жеке номері: 18602

« » 2016
Сынып: 1
Тақырып: Шыншылдық - адамдықтың белгісі
Құндылық: «Ақиқат»
Қасиеттер: Шыншылдық, адалдық, адамгершілік
Сабақтың мақсаты: Шындық ұғымының адамгершілік құндылық ретіндегі маңыздылығын ашу.
Міндеттері:
Білімділік: Шындық пен өтірікті ажырата білуге үйрету;
Дамытушылық: Өзара адал қарым - қатынас жасау іскерліктерін дамыту;
Тәрбиелік: Шыншыл, адал болуға тәрбиелеу Ресурстар: \құралдар, мәліметтер\ (1 сынып «Өзін - өзі тану» оқулығы)
Сабақ барысы:
1. Ұйымдастыру кезеңі.
Тыныштық сәті:
Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Көздеріңді жұмсаңдар да болады. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер. Ал енді көздеріңді ашсаңдар да болады.
1. 2. Үй тапсырмасын тексеру. (1 сынып «Өзін - өзі тану» оқулығы)
«Жауапты іс» деген мәтінді оқу;
Дәптерде берілген «Мақал мәтелдерді оқыңдар. Олардың мағынасын түсініп, жаттап алыңдар» деген тапсырманы орындау ұсынылады.
3. Дәйексөз.
«Шыншылдық жақсылыққа жетелейді».
Оқушыларға мағынасын түсіндіру
- Өтірік айтып ұятқа қалғанша, шындықты айтып қатеңді мойындаған дұрыс. Мұндай әрекет адамдықтың белгісі. Халықтың «Шыншылдық жақсылыққа жетелейді» деген даналы ғынан, шыншыл адамның ары таза, жүзі жарқын болып, қуанышқа бөленіп, бақытқа кенелетінін түсінуге болады. Тіпті шындықты айтудың өзі адамға жақсылық жасауды білдіреді.
Сұрақтар:
- Шындық неге жеткізеді?
- Ал өтірік ше? Мысал келтір.
Жаттату:
- үш рет қайталау;

4. Әңгімелеу. Мұғалім сыйы
«Шындық пен өтірік» (Аңыз әңгіме)
Қоян мен түлкі дос болыпты. Бір күні қоян дүкенге бара жатып, анасы берген ақшаны жоғалтып алады. Ал түлкі ақшаны көріп тұрса да айтпайды. Қоян басы салбырап үйіне кетеді. Түлкі ақшаны алады да өзіне қажет нәрсені сатып алмақшы болады. Бірақ досының көңілсіз күйі есіне түсіп, түлкі ақшаны досына әкеліп береді. Қоян қатты қуанып, досын құшақтай алады.
Сұрақтар:
- Түлкінің орнында сен болсаң не істер едің?
- Шындық неге жетелеп отыр?
- Қоянды қуантқан түлкі өзі де қуана ма?
- Түлкі ақшаны қайтармаса не болар еді?
Қорытынды: Балалар, шыншыл адам өз сөзіне берік, ісіне адал болады
5. Шығармашылық жұмыс.
Оқушыларды 2 топқа бөліп, біреуіне «шындық», екіншісіне «ақиқат» деген сөздер беріп әр әріпке байланысты сөздер құрастыру тапсырылады.
Мысалы: Ш шана, А алма т. с. с
6. Топпен ән айту.
«Балдырғандар» әні
Сөзін жазған: О. Әубәкіров
Әнін жазған: Ш. Қалдаяқов

Қуанышқа бөленген әр күніміз,
Бақыттымыз балалар барлығымыз.
Қайырмасы: Өмір тым жайдары
Қызықтың қайнары
Мектебіміз жайнады \рет\
Біз Отанның балдырған ұлдарымыз,
Әдептілік, шыншылдық ұранымыз.
Қайырмасы

7. Үй тапсырмасы.
а\85 беттегі «Жауапты іс» деген мәтінді оқу;
ә\ Дәптерде берілген «Мақал мәтелдерді» оқыңдар. Олардың мағынасын түсініп, жаттап алыңдар» деген тапсырманы орындау ұсынылады.
8. Соңғы тыныштық сәті.
Баяу әуен қою
Көздерімізді жұмамыз, бүгінгі өткен сабақты ой елегінен өткізіңдер, бұл сабақ сендердің өмірлеріңе сабақ болсын, тек жақсы, шындық нәрселер ойлауға тырысыңдар, сонда ғана айналамыз жақсылыққа, шындыққа толары сөзсіз. Енді көздеріңізді ашсаңдар да болады Тәрбие.орг сайтынан Шыншылдық - адамдықтың белгісі Өзін-өзі тану пәнінен ашық сабақтар материалды тегін жүктеп сабақ барысында қолдануға рұқсат етіледі. Жарияланған материалға tarbie.org сайтының әкімшілігі жауапты емес

Авторы: Тлеугабылова Гульшат Нұрғалымқызы

Аққұдық негізгі мектебі өзін - өзі тану мұғалімі

Ұнады ма? Достарыңмен бөліс. Қалаған әлеуметтік желінің үстін бас

Бөлімі: Өзін-өзі тану пәнінен ашық сабақтар
Көрсетілім: 553 | Жүктеулер: 3
Барлық пікірлер: 0
avatar